फागुन
११, काठमाडौँ । प्रतिनिधिसभा बैठक आज पनि बस्दै छ । शुक्रबार बिहान ११ बजे संघीय
संसद भवन, नयाँ
बानेश्वरमा बैठक बोलाइएको छ ।
आजको बैठकमा सभामुख देवराज घिमिरेले प्रधानमन्त्री तथा
मन्त्री परिषद् कार्यालयबाट प्राप्त कार्यभार तोकिएको सम्बन्धी पत्रको ब्यहोरा
पढेर बैठकमा सुनाउने कार्यसुची रहेको छ भने राष्ट्रिय
सभामा उत्पत्ति भएको खाद्य स्वच्छता तथा गुणस्तर विधेयक सम्बन्धी समितिको
प्रतिवेदन २०८० कृषि, सहकारी
तथा प्राकृतिक स्रोत समितिकी सभापति आरजु राणाले पेस गर्ने तयारी गरेको सम्भावित
कार्यसूचीमा उल्लेख गरिएको छ ।
यसैगरी आज राष्ट्रिय
सभाको बैठक पनि बस्दै छ । राष्ट्रिय सभाको बैठक पनि आज बिहान ११ बजे बोलाइएको छ । आजको
बैठकमा ‘मौलिक हक कार्यान्वयनको लागि बन्न बाँकी कानुन २०८१ असोज ३
गतेसम्म निर्माण गरिसक्नु पर्ने सम्बन्धी’ संकल्प प्रस्ताव
दिलकुमारी थापाले प्रस्तुत गर्ने कार्यसुची
रहेको छ ।
- न्युज बहार संवाददाता
