चैत
१८, काठमाडौँ। रक्षा मन्त्रालयको जिम्मेवारी धेरै दृष्टिकोणले महत्त्वपूर्ण भएको नवनियुक्त
उपप्रधानमन्त्री एवं रक्षामन्त्री पूर्णबहादुर खड्काले बताएका छन्।
उपप्रधानमन्त्री तथा मन्त्री पदको सपथ लिएपछि मन्त्री पूर्णबहादुर खड्काले मुलुकको भौगोलिक अखण्डताको रक्षा, जनता र राष्ट्रिय सुरक्षाका साथै रणनीतिक विकासका योजनासमेत नेपाली सेनामार्फत अगाडि बढाइरहेको सन्दर्भमा सो मन्त्रालयको महत्व ठूलो रहेको बताएका हुन।
उपप्रधानमन्त्री समेत रहेका खड्काले मुलुक र जनताप्रति समर्पित भएर काम गर्ने प्रतिबद्धता व्यक्त गर्दै सबैभन्दा ठूलो जिम्मेवारी देशको माटोको रक्षा गर्ने भूमिका भएको र यसको जिम्मेवारीका लागि मन्त्रालयको राणनीतिक महत्त्व रहेको धारणा व्यक्त गरेका छन।
- न्युज बहार संवाददाता
