असोज ४, काठमाडौँ । ‘विद्यालय शिक्षा सम्बन्धी कानुनलाई संशोधन र एकीकरण गर्न बनेको विधेयक २०८०’ माथी रास्वपा - राष्ट्रिय स्वतन्त्र पार्टीले आवश्यक छलफलपछि संशोधन राख्ने जनाएको छ । रास्वपाले यस सम्बन्धमा आफुहरुले विभिन्न सरोकारवाला निकायहरूसँग निरन्तर छलफल गरिरहेको र सरोकारवाला, विज्ञहरूसँग परामर्श गरी आफ्नो धारणा तथा संशोधन प्रस्ताव राख्ने स्पष्ट पारेको छ । संसदमा दर्ता भएको ‘विद्यालय शिक्षा सम्बन्धी कानुनलाई संशोधन र एकीकरण गर्न बनेको विधेयक २०८०’ का विपक्षमा काठमाडौँमा शिक्षकहरुले आज पनि प्रदर्शन गरिरहेका छन ।
बिहीबार रास्वपाका महामन्त्री मुकुल ढकालले विज्ञप्ति जारी गर्दै उक्त विधेयकको विरोध गर्दै देशभरबाट शिक्षकहरूले काठमाडौँमा थालेको आन्दोलनप्रति पार्टी संवेदनशील रहेको जनाएका छन् ।
सार्वजनिक विज्ञप्तिमा सम्पूर्ण सार्वजनिक विद्यालयहरूको गुणस्तर उकास्नु पर्ने र पढ्ने विद्यार्थीहरूको उज्ज्वल भविष्य सुनिश्चित गर्नुपर्ने तथा ती विद्यालयहरूमा पढाउने शिक्षकको जीवनस्तर मा रास्वपाले जोड दिएको बताइएको छ ।
- न्युज बहार संवाददाता
