वैशाख ४ , चितवन । रास्वपाका सभापति रवि लामिछानेका सवारी चालक चितवनको भरतपुरस्थित तीन तले घरको माथिबाट तल खसेको अवस्थामा फेला परेका छन् ।
सिन्धुपाल्चोकको बाह्रबिसे नगरपालिका–३ स्थायी घर भएका ३९ वर्षीय शम्भु भन्ने दिलबहादुर थापा आज बिहान ४ बजे भाडामा लिएको घरको छतबाट तल भुइँमा खसेको अवस्थामा भेटिएको प्रहरीले जानकारी दिएको छ।
थापाको टाउको र खुट्टामा चोट लागेर गम्भिर घाइते भएको प्रहरीले बताएको छ। अहिले उनको भरतपुरस्थित कलेज अफ मेडिकल साइन्सेसमा उपचार भैरहेको छ । चालक थापा र रास्वपाकाकै महामन्त्री मुकुल ढकालका चालक राति छतमा सँगै सुतेका थिए ।
- न्युज बहार संवाददाता
