फागुन
२९, काठमाडौँ। आज सोमबार नवनिर्वाचित राष्ट्रपति रामचन्द्र पौडेलले पद तथा
गोपनीयताको शपथ लिने भएका छन्। राष्ट्रपति पौडेलको शपथग्रहण शीतल निवासमै हुने
बताइएको छ।
नवनिर्वाचित
राष्ट्रपति रामचन्द्र पौडेललाई सर्वोच्च अदालतका कामु प्रधानन्यायाधीश हरिकृष्ण
कार्कीले शपथ गराउनेछन्। शपथ ग्रहण पछि पौडेल पाँच वर्षका लागि शीतल निवासमा
बस्नेछन् ।
गत फागुन
२५ राष्ट्रपति पदमा निर्वाचित भएपछि रामचन्द्र पौडेलले नेपाली कांग्रेसबाट अलग
भएका छन। उनले नेपाली कांग्रेस पार्टीसँगको संलग्नता त्याग गरेका हुन्।
राष्ट्रपतिमा
निर्वाचित व्यक्ति पार्टी सदस्य रहन नहुने व्यवस्था रहेकोले पौडेलले कांग्रेस
केन्द्रीय कार्यालयमा पत्राचार गरि आफू पार्टी सदस्यबाट अलग भएको जानकारी गराएका
हुन्।
- न्युज बहार संवाददाता
