चैत ९, काठमाडौँ
। फोहोर बिक्रीका लागि काठमाडौँ महानगरपालिकाले प्रस्ताव आह्वान गरेको छ । आज एक
सूचना जारी गर्दै महानगरले ३० दिनभित्र प्रस्ताव पेस गर्न आग्रह गरेको हो । सुख्खा फोहोर खरिदका लागि आन्तरिक
राजस्व कार्यालयमा भ्याट दर्ता भएका व्यक्ति, कम्पनी वा फर्महरूले प्रस्ताव
गर्न सक्ने महानगरले जारी गरेको सुचनामा जनाइएको छ ।
महानगरले
विभिन्न वडाबाट टेकु ट्रान्सफर स्टेसनमा दैनिक रूपमा सङ्कलन हुने सुख्खा फोहोरको
बिक्रीका लागि प्रस्ताव आह्वान गरेको हो ।
आगामी बैशाख १० गते दिउँसो २ बजे कार्यालयको वातावरण व्यवस्थापन विभागमा कर्मचारी एवं उपलब्ध प्रस्ताव दाताहरूको रोहवरमा प्राप्त प्रस्तावहरू खोलिने महानगरले जनाएको छ । काठमाडौँ महानगरपालिका वातावरण व्यवस्थापन विभागबाट यस विषयमा थप जानकारी लिन सकिनेछ ।
- न्युज बहार संवाददाता
