बैशाख २०, काठमाडौँ । आज विश्व प्रेस स्वतन्त्रता दिवस हो। यस दिनको अबसरमा प्रधानमन्त्री पुष्पकमल दाहाल ‘प्रचण्ड’ ले सञ्चार क्षेत्रले आफूलाई मर्यादित, जिम्मेवार र जवाफदेही बनाउन स्वनियमन प्रणालीको विकास गर्न आग्रह गरेका छन्।
आज परेको विश्व प्रेस स्वतन्त्रता दिवस, मे ३ का अवसरमा शुभकामना दिँदै प्रधानमन्त्री दाहालले नेपालमा संवैधानिक दृष्टिले पूर्ण प्रेस स्वतन्त्रताको संरक्षण गरिएको र त्यसलाई व्यवहारमा कार्यान्वयनमा ल्याउन सरकारले सञ्चार क्षेत्रको संरक्षण, सम्वद्र्धन एवं विकासका निम्ति यसको पुनःसंरचना, नीतिगत र कानुनी सुधारका क्षेत्रमा जोड दिएको उल्लेख गरेका छन ।
उनले शुभकामना सन्देशमा भने, “प्रेस स्वतन्त्रता प्रेसको मात्र मुद्दा होइन, यो समग्र समाज र लोकतान्त्रिक प्रणालीको अभिन्न विषय हो, लोकतन्त्रको सुदृढीकरणका लागि स्वतन्त्र प्रेसको महत्त्व सरकारले बुझेको छ ।”
आज विश्व प्रेस स्वतन्त्रता दिवसका दिन राजनितिक दल र अन्य मन्त्रीहरुले पनि शुभकामना दिदै प्रेस स्वतन्त्रताका बारेमा आफ्नो विचार राखेका छन।
- न्युज बहार संवाददाता
