मंसिर २१, काठमाडौँ । कारागारबाट नक्कली भुटानी शरणार्थी प्रकरणमा संलग्न ६ जना रिहा भएका छन् । साधारण ताखेरमा छाड्न आदेश भएका आशिष बुढाथोकी र उच्च अदालत पाटनले तोकेको धरौटी बुझाउने ५ जना र रिहा भएका हुन।

केन्द्रीय कारागारका जेलर ललित बस्नेतका अनुसार ६ जनालाई थुनामुक्त गरिएको हो । धरौटी तिरेर रिहा हुनेमा नरेन्द्र केसी, शमशेर मियाँ, रामशरण केसी, हरिभक्त महर्जन र सन्दीप रायमाझी रहेका छन् ।

सन्दीप रायमाझी पूर्व उप–प्रधानमन्त्री टोपबहादुर रायमाझीका छोरा हुन् । प्रकरणमा टोपबहादुर रायमाझी भने नक्कली भुटानी शरणार्थी प्रकरणमा थुनामै रहेका छन् ।

मङ्सिर १५ मा उच्च अदालतका न्यायाधीशद्वय प्रकाश खरेल र जनक पाण्डेको संयुक्त इजलासले सन्दीप सहितका ६ जनालाई धरौटीमा छाड्न आदेश गरेको थियो । धरौटीमा छाड्न आदेश भएतापनि भुटानी शरणार्थी नेता टेकनाथ रिजालचाहिँ थुनामै रहेका छन । उनले धरौटी बुझाएका छैनन् । अदालतले रिजाललाई १५ लाख धरौटी लिएर रिहा गर्न आदेश गरेको थियो । 

• न्युज बहार संवाददाता