भदौ ६, काठमाडौँ। आज बिहान धादिङको गजुरी–२ चालिसे भन्ने स्थानबाट यात्रु बस त्रिशूली
नदीमा खस्दा मृत्यु हुनेको संख्या ८ पुगेको छ भने आठ जना घाइते भएका छन् ।
प्रदेश ३–०१–००५ ख ९९५२ नम्बरको बस पोखराका लागी काठमाडौंबाट
छुटेको थियो । उक्त बस आज बिहान करिब ११ बजेतिर सडकबाट करिब ४० मिटर तल त्रिशूली नदीमा खसेको हो
।
जिल्ला प्रहरी कार्यालय धादिङका
प्रवक्ता एवम् डिएसपी सन्तु जयसवालले दुर्घटनामा परी ६ पुरुष र २ महिला गरी ८
जनाको मृत्यु भएको जानकारी दिएका छन ।
घटनास्थलबाट १६ जनाको उद्धार गरिएकोमा ८ जनाको मृत्यु भएको र ८ जना घाइतेको स्थानीय अस्पतालमा उपचार भइरहेको डिएसपी जयसवालले बताएका छन ।
अहिले घटनास्थलमा सशस्त्र प्रहरी, नेपाली सेना र नेपाल प्रहरीको टोलीले उद्धार कार्य जारी राखेको छ ।
- न्युज बहार संवाददाता
