_qTJDw9H5U0.jpg)
फागुन ६,
काठमाडौँ । आज महाशिवरात्रिको दिन सङ्घीय लोकतान्त्रिक गणतन्त्र नेपालको प्रमुख
सुरक्षा अङ्गको रुपमा परिचित नेपाली सेनाले शनिबार मुलुकभर विविध कार्यक्रम गरी
दुई सय ६०औँ स्थापना दिवस मनाएको छ ।
राष्ट्रपति
विद्यादेवी भण्डारी महाशिवरात्रि तथा सेना दिवसका अवसरमा सैनिक मञ्च टुँडिखेलमा
आयोजना हुने विशेष समारोहमा प्रमुख अतिथिका रूपमा सहभागी भएकी छन् । नागरिकको
आस्था र भरोसाको केन्द्रविन्दुका रूपमा रहेको सेनाको उनी परमाधिपति हुन् ।
आज सेना
दिवसको अबसरमा हेलिकोप्टरबाट राष्ट्रिय झण्डासहित सेना दिवसको ब्यानर प्रदर्शनी र
पुष्पवृष्टि गरिएको थियो । सेना दिवसका अवसरमा सैनिक मञ्च टुडीखेलमा परेड
(शस्त्राभ्यास) तथा तोप बढाइँ, कवाजलगायत विविध सैनिक कला र सांस्कृतिक कार्यक्रम सञ्चालन
भएका थिए । भारतीय सेनाको गोर्खा रेजिमेन्ट र बेलायत आर्मीको टोलीद्वारा व्याण्डको
प्रस्तुति दिएको थियो ।
