साउन १७, चितवन । सङ्घीय सांसद एवं राष्ट्रिय स्वतन्त्र पार्टीका सभापति रवि लामिछानेले महिलाका लागि चितवनमा आजदेखि निःशुल्क ‘ब्लुबस’ सञ्चालनमा ल्याएका छन ।

आज उनले सांसदमा निर्वाचित भएको एक सय दिन पूरा भएको सन्दर्भमा ब्लु बस सञ्चालनमा ल्याएका हुन । यस ब्लु बस सय्चालनले जिल्लावासी महिलालाई सहज हुने विश्वास उनले व्यक्त गरेका छन ।

उनले भने “मलाई थाहा छ बस सञ्चालन सङ्घीय सांसदको काम हुँदै होइन, क्षेत्राधिकार पनि होइन, तर जनप्रतिनिधि र नीति–निर्माताले  सार्वजनिक यातायात कस्तो हुनुपर्दछ भन्ने सपना देख्नुपर्छ । अझ सार्वजनिक सवारीमा महिलाहरूको सुरक्षा र प्राथमिकता कस्तो हुनुपर्दछ भन्ने देख्नुपर्छ र देखाउनु पनि पर्छ ।”

आजबाट एउटा बसबाट सुरुआत गरेर भविष्यमा माग र उपयोगअनुसार स्थानीय सरकारसँग समन्वय गरी बस सङ्ख्या थप्ने सभापति लामिछानेले बताए । उनका अनुसार यस बसमा निशुल्क यात्रा गर्नका लागी चितवनका पाँच सय महिलालाई निःशुल्क यातायात कार्ड उपलब्ध गराइनेछ । सोही कार्डको माध्यमबाट महिलाहरुले बसमा निशुल्क यत्रा गर्न पाउने छन । ब्लु बसमा महिलाहरुको लागी सेनेटरी प्याडको पनि व्यवस्था गरिएको छ। 

• न्युज बहार संवाददाता