बैशाख
१७, काठमाडौँ। कपनमा एक साता अघि दिनदहाडै भएको निरा आचार्यको हत्या प्रकरणमा
संलग्न रहेको आरोपमा प्रहरीले एक जनालाई पक्राउ गरेको छ।
विनोद
बिकलाई झापाबाट निराको हत्या आरोपमा पक्राउ गरिएको प्रहरी उच्च स्रोतले जनाएको छ।
विनोदलाई केही दिनअघि नै पक्राउ गरी सोधपुछ
गरिरहेको घटना अनुसन्धानमा संलग्न अर्का एक प्रहरी अधिकारीले बताएका छन्।
काठमाडौंको कपन, सरस्वतीनगरमा निरु किचेन नामको भाँडा पसल चलाउँदै आएकी निराको वैशाख ७ गते दिउँसो पसलमै भएका बेला धारिलो हतियार प्रयोग गरी हत्या भएको थियो।
यस घटनाको अनुसन्धान गर्न केन्द्रीय अनुसन्धान ब्युरोको प्रमुख एआइजी किरण बज्राचार्यको नेतृत्वमा उच्चस्तरीय अनुसन्धान समिति बनेको छ र घटना बारे अनुसन्धान भइरहेको छ।
- न्युज बहार संवाददाता
