असोज २३, काठमाडौँ । महानगर मातहतमा रहेका कुकुरको व्यवस्थापन गर्न
बन्ध्याकरण अभियान चलाउने घोषणा काठमाडौँ महानगरका प्रमुख बालेन्द्र शाह बालेनले गरेका
छन् । महानगरका धेरै स्थानमा कुकुर व्यवस्थापन हुन नसकेको गुनासो आउन थालेपछि उनले
रेबिज विरुद्धको खोप र बन्ध्याकरण अभियान सञ्चालन गर्ने जानकारी दिएका हुन ।
'कल
सेन्टरमा होस वा चुनाव बेला घरदैलो गर्दा होस काठमाडौँको मुख्य समस्या मध्य कुकुर
ब्याबस्थापन पनि रहेछ । पशु अधिकार र पशु कल्याणका लागि हामी सचेत छौँ । यस कारण
सामुदायिक कुकुर र बिरालाको सङ्ख्या सीमित गरेर, भएकाहरूलाई बस्न र बाँच्न उचित
वातावरण तयार पार्ने कार्यक्रम सञ्चालन गर्दै छौँ ।' बालेनले भनेका छन ।
- न्युज बहार संवाददाता
