भदौ ९, काठमाडौँ । बागलुङमा भारी वर्षाका कारण दुई दर्जन बढी घर पहिरोको जोखिममा परेका छन्।
जिल्लाको बागलुङ नगरपालिका–६ सिमका उपल्लोबारीका करिब १२ घर र मैदानका १२ घर पहिरोको जोखिममा परेका हुन्। यता मैदानका दुई परिवार वर्षाको कारण पहिरोले घर भत्किँदा पूर्णरुपमा विस्थापित भएका छन् ।
बागलुङ नगरपालिका–६ का वडाध्यक्ष रुद्रबहादुर केसीले वर्षाले घर भत्किँदा नारायणप्रसाद सापकोटा र स्थानीय जमुना आचार्यको परिवार विस्थापित भएको बताए।
घर भत्किएपछि दुबै परिवार छिमेकीको घरमा आश्रय लिएर बसेका छन भने घर पुर्ण रुपमा क्षती भएको छ ।
- न्युज बहार संवाददाता
