साउन १९,
चितवन । ट्राफिक नियम उल्लङ्घन गर्ने ४० हजार छ सय ६४ सवारीसाधनका चालकलाई गत
आर्थिक वर्ष २०७९-८० मा कारबाही गरिएको छ । रु तीन करोड ४५ लाख ३८ हजार
राजस्व चालकलाई कारबाही गर्नेक्रममा सङ्कलन भएको छ ।
कारबाहीमा
पर्नेहरुले क्षमताभन्दा बढी यात्रु राखेर सञ्चालन गर्ने, मादक पदार्थ सेवन गरी सवारीसाधन
चलाउने, तीव्रगतिमा
सवारी चलाउने र निषेधित क्षेत्रमा सवारी पार्किङ गर्ने लगायत ट्राफिक नियम उल्लङ्घन गर्ने गरेको पाइएको हो ।
कारबाहीमा
पर्नेमा सबै भन्दा धेरै मोटरसाइकल तथा स्कुटर चालक १३१०७, जीप तथा कारका चालक ७७१२, ट्रक तथा टिपरका चालक ७०७५, बस तथा माइक्रोबसका चालक ४१९४, ट्र्याक्टर चालक १६०९, र टेम्पो तथा अटोरिक्सालगायत
सवारीसाधनका चालक ६९६७ रहेको जिल्ला ट्राफिक कार्यालयका प्रमुख प्रहरी निरीक्षक
राजकुमार तामाङले जानकारी दिएका छन ।
- न्युज बहार संवाददाता
