बैशाख १९, काठमाडौँ। स्टाफ नर्स अनुमा श्रेष्ठको मृत्यु प्रकरणमा नयाँ मोड आएको छ। काठमाडौंको वीर अस्पतालमा कार्यरत नर्स अनुमाको मृत्यु केसमा काठमाडौँ महानगरपालिका–१६ बोहराटारका डा. सुजन ढकाल र उनका बुबा मुरलीप्रसादविरुद्ध आत्महत्या दुरुत्साहनमा जाहेरी दर्ता भएको छ।
अनुमाका बुबा गजेन्द्र श्रेष्ठले प्रहरी वृत्त बालाजुमा उनीहरूविरुद्ध जाहेरी दर्ता गरेको वृत्तका प्रमुख प्रहरी नायब उपरीक्षक मनोजित कुँवरले जानकारी दिएका छन।
जाहेरी दर्तापछि सोमबार सार्वजनिक बिदा परेकाले पक्राउको अनुमति लिन नपाइएको र मङ्गलबार अदालतबाट पक्राउ अनुमति लिइने प्रहरीले जनाएको छ।
अनुमा श्रेष्ठ यही शनिबार अपराह्न डा. ढकालको घरको कोठामा झुन्डिएको अवस्थामा मृत फेला परेकी थिइन्। उनले एउटा डायरीमा लेखिएको सुसाईट नोटमा डा. ढकालले विवाह गर्न नमानेको र उनको परिवारले पनि विवाह गर्न नदिएकाले बाँच्न मन नभई सुसाईट गरेको भनी उल्लेख गरेको बताइएको छ।
- न्युज बहार संवाददाता
