फागुन १०, पोखरा । हिजो पोखरामा विष्फोटक
पदार्थ पड्किँदा २ बालक घाइते भएको पाइएको छ । घाइते हुनेमा १५ वर्षीय माइकल
चौधरी र १३ वर्षीय सविन तामाङ रहेको खुलेको छ । घटना हिजो मंगलबार नै भएको भए पनि
आज बुधबार मात्र सार्वजनिक भएको जानकारी प्रप्त भएको छ ।
पोखरा
स्वास्थ्य विज्ञान प्रतिष्ठानमा घाइते बालकहरुको अहिले उपचार भइरहेको जिल्ला
प्रहरी कार्यालय कास्कीका प्रवक्ता ज्ञानबहादुर खड्काले जानकारी दिए ।
ज्ञानबहादुर
खड्काका अनुसार पोखरा ३३ ठूल्ढुंगामा मंगलबार दिउँसो घर नजिकैको झाडीबाट टिपेर
ल्याएको वस्तु खेलाउने क्रममा विस्फोट भएको हो । ‘घाइते बालकहरुको अवस्था सामान्य
नै छ । दुईमध्ये एउटाको राति नै अपरेसन भएको छ, भने अर्को एकजनाको आज हुन्छ,’ खड्काका भने ।
विस्फोटक
पदार्थ कहाँ र कस्तो अवस्थामा थियो भन्नेबारे अनुसन्धान भइरहेको प्रहरीले जानकारी
दिएको छ ।
