जेठ ४, काठमाडौँ । रसुवा जिल्लामा सुन बरामद भएको छ । जिल्ला प्रहरी कार्यालय, रसुवाका अनुसार ठूलो परिमाणमा सुन बरामद भएको हो ।
उक्त सुन तस्करीको सुन भएको कार्यलयले जनाएको छ । अहिले उक्त बरामद गरिएको सुन जोख्ने काम भइरहेकोले परिमाण भने खुलाइएको छैन । एक जना गाडी चालकबाट उक्त सुन बरामद भएको र सुन जोख्न भन्सार पठाइएको जिल्ला प्रहरी कार्यालय रसुवाका प्रहरी स्रोतले जनाएको छ ।
पछिल्लो समय त्रिभुवन अन्तर्राष्ट्रिय विमानस्थलबाट हुने सुन तस्करीप्रति प्रहरीका विभिन्न निकायको निगरानी बढिरहँदा उत्तरी नाकाबाट सुन आउने क्रम बढ्दो क्रममा छ ।
- न्युज बहार संवाददाता
