माघ २५, काठमाडौँ । सरकारी वकिलको कार्यालयमा राष्ट्रिय
स्वतन्त्र पार्टीका सभापति रवि लामिछानेविरुद्ध उजुरी परेको छ ।
जिल्ला सरकारी
वकिलको कार्यालयलाई पत्र लेख्दै युवराज पौडेल (सफल)ले लामिछानेले राहदानी ऐन, २०२४ को दफा ५ को खण्ड (ख) र हाल प्रचलित राहदानी ऐन, २०७६ को दफा २१ को खण्ड (क)ले निषेधित गरेको जानी जानी झुटो
विवरण दिई राहदानी लिने प्रकृतिको कसूर गरेकाले निजलाई पाँच वर्षसम्मको कैद र
हदैसम्मका जरिवानसमेत गर्ने गरी मुद्दा चलाउन माग गरेका छन्।
साथै उनले माघ १७ गते जिल्ला प्रहरी परिसर टेकु काठमाडौंमा जाहेरी दर्ताको
लागि पेश गरिएकोमा कार्यालयले उजुरी दर्ता गर्न नमानेकाले मुलकी फौजदारी कार्यविधि संहिता ऐन, २०७४ को दफा ५ बमोजिम उजुरी दर्ताका लागि आदेश दिन आग्रह गरेका
छन्।
त्यस्तै उनले गैर नेपाली नागरिक रही रवि लामिछानेले प्राप्त गरेको राहदानी, राहदानी ऐन बमोजिम रद्ध गर्न र नयाँ राहदानीसमेत जारी गर्न नमिल्ने गरी अनुसन्धान तथा कानून बमोजिम मुद्दा कारबाही चलाइ पाऊँ भनी सरकारी
वकिलको कार्यालयमा नवेदन पेस गरेका छन ।
