जेठ १, काठमाडौँ । शिक्षा, विज्ञान तथा प्रविधि मन्त्रालयअन्तर्गतको वैदेशिक अध्ययन अनुमति शाखाले अब घरवाटै एनओसी लिन मिल्ने व्यवस्था गरेको छ।
वैदेशिक अध्ययनका लागी जाने विधार्थीहरुले अब विद्युतीय प्रणालीको प्रयोग गरी वैदेशिक अध्ययन स्वीकृति पत्र एनओसी लिनसक्ने व्यवस्था गरिएको हो ।
सोमबार एनओसी कार्यालयमा एक कार्यक्रमको आयोजना गरी विद्युतीय प्रणालीको प्रयोग गरी वैदेशिक अध्ययन स्वीकृति पत्र लिनसक्ने व्यवस्था सुरु गरिएको जानकारी दिइएको छ ।
यसरी घरबाट नै एनओसी फर्मका लागि लाग्ने शुल्क पनि तिर्नसक्ने व्यवस्था गरिएको छ । तर यो यो प्रक्रिया पूरा हुन अझै ४० प्रतिशत काम बाँकी रहेको र चाँडै नै शतप्रतिशत काम हुनेगरी तयारी गरिरहेको शिक्षा, विज्ञान तथा प्रविधिमन्त्री अशोककुमार राईले बताएका छन ।
- न्युज बहार संवाददाता
