चैत १२, काठमाडौँ
। नियत सफा राखेर काम गर्न कर्मचारीहरूलाई प्रधानमन्त्री पुष्पकमल दाहाल ‘प्रचण्ड’ले निर्देशन दिएका छन् । आज
सोमबार प्रधानमन्त्री प्रचण्डले प्रधानमन्त्री कार्यालयमा भएको नियमित सचिवहरूको बैठकमा
निर्दोषलाई समस्या भएमा त्यसको जिम्मेवारी आफूले लिने समेत बताएका छन ।
यस
विषयमा प्रधानमन्त्री प्रचण्डले भने, “कार्यसम्पादन गर्दा कसैको भय र
त्रासमा नपर्नु होला, कानुन
बमोजिम काम गर्न डराउनु पर्दैन, असल नियतले काम गरेको विषयमा
निर्दोष मानिसलाई कहीँ कतै समस्या भएमा त्यसको जिम्मेवारी म आफैँले लिनेछु ।”
प्रधानमन्त्री
प्रचण्डले नयाँ समीकरणको सरकार थप उद्देश्य, ऊर्जा, सोच,
नयाँ कार्यसूची
र कार्ययोजनाका साथ आएको पनि बताएका छन । उनले भने “राजनीति र प्रशासक सरकारका
अभिन्न अङ्ग हुन्, हालसम्म यहाँहरूबाट सहयोग प्राप्त हुँदै आएको छ र अझै थप
जाँगर तथा जोसका साथ काम गर्नु हुनेछ भन्ने विश्वास लिएको छु ।”
- न्युज बहार संवाददाता