बैशाख २३, काठमाडौँ । सामाजिक सञ्जालमा सक्रिय ग्रुप दारी ग्याङले विभिन्न
सामाजिक कार्यहरु सञ्चालन गर्दै आएको छ । यसै क्रममा दारी ग्याङ काठमाडौँले ललितपुरको
नखुडोलमा अवस्थित ३७ जना शिशु तथा बालबालिका रहेको तुलसालय आश्रममा दन्त शिविरको सम्पन्न
गरेको छ ।
हिजो अर्थात बैशाख २२ गते शनिबारका दिन आश्रममा आवश्यक सामाग्री वितरण गर्दै ग्रुपले दन्त शिविर समेत सञ्चालन गरेको हो ।
विगत ६ वर्षदेखि सन्चालनमा आएको आश्रममा दन्त शिविरको अवसरमा त्यहाँ रहेका सम्पुर्णले निशुल्क दन्त परिक्षण गराएका थिए ।
आश्रम सञ्चालक सरु सुवेदीका अनुसार अहिले आश्रममा खानेकुरा र कपडाको समस्या रहेको छ । विध्यालय पढ्ने बालबालिकालाई विध्यालयले छात्रवृती पनि नदिएको सञ्चालक सुबेदीले गुनासो राखेकी थिइन ।
दन्त शिविरको अवसरमा दारी ग्याङ काठमाडौँका सम्योजक समुन्द्र रिजालले अब आश्रमलाई ग्रुपले सक्ने सहयोग गर्ने प्रतिबद्धता जनाएको बताएका छन ।
- सृजना प्याकुरेल