फागुन
१५, काठमाडौँ । क्रिकेटर सन्दीप लामिछानेलाई विदेश गएर क्रिकेट खेल्न सर्वोच्चले अनुमति दिएको छ।
आइतबार र
सोमबार भएको सर्वोच्च अदालतका न्यायाधीशद्वय सपना प्रधान मल्ल र कुमार चुडालको
संयुक्त इजलासले सन्दीपलाई विदेश जान दिने निर्णय गरेको हो।
सन्दिप लामिछानेले
केही अगाडी आफूलाई क्रिकेट खेल्न विदेश जान दिनुपर्ने माग गर्दै निवेदन दिएका थिए
भने सन्दीपलाई
महान्यायाधीवक्ताको कार्यालयले भने थुनामा राखेर अनुसन्धान गर्नुपर्ने भन्दै
निवेदन दिएको थियो। यी दुबै निवेदनमा आजको इजलासले सन्दिपको पक्षमा निर्णय गरेको छ ।
उच्च
अदालत पाटनले नाबालिग बलात्कार अभियोग लागेका सन्दीपलाई विदेश जान रोक लगाउँदै २०
लाख धरौटीमा जेलमुक्त गरेको थियो। यो मुद्दा अहिले पनि जिल्ला अदालत काठमाडौंमा
विचाराधीन छ।
- न्युज बहार संवाददाता
