बैशाख ४, काठमाडौँ। आईपिएल २०२३को २३ औं खेलमा राजस्थान रोयल्सले गुजरात टाइटन्सलाई पराजित गरेको छ।
कप्तान सञ्जु सैमसन र शिमरोन हेटमायरको बिस्फोटक ब्याटिङको मद्दतमा राजस्थानले गुजरातलाई चार बल बाँकी रहँदै तीन विकेटले पराजित गरेको हो ।
राजस्थानको गुजरातमाथि यो पहिलो जित हो। राजस्थानले अन्तिम सात ओभरमा सयभन्दा बढी रन बनाएर गुजरातको हातबाट जित खोसेको थियो। राजस्थानका लागी सञ्जुले पनि २६ बलमा अर्धशतक बनाए भने हेटमायरले २५ बलमा अर्धशतक पूरा गरेका थिए।
हिजोको खेल अहमदाबादमा भएको थियो। पहिले टस जितेर राजस्थानले बलिङ गर्ने निर्णय गरेको थियो । पहिले ब्याटिङ गरेको गुजरात टाइटन्सले २० ओभरमा सात विकेट गुमाएर १७७ रनको लक्ष्य राजस्थान सामु खडा गरेको थियो।
- न्युज बहार संवाददाता
