फागुन ९, काठमाडौँ । नेपालले आईसीसी क्रिकेट वर्ल्डकप लिग २ मा नामिबियासँग बुधबार दोस्रो हार व्यहोरेको छ । नामिबियाले आज भएको खेलमा घरेलु टोली नेपाललाई २ विकेटले पराजित गरेको हो ।
नामिबियाले त्रिवि क्रिकेट मैदान, कीर्तिपुरमा टस जित्यो र नेपाललाई ब्याटिङको निम्तो दिएको थियो । पहिले ब्याटिङ गरेको नेपाल ३७.१ ओभरमा १६८ रनमा अलआउट भयो।
त्रिदेशीय सिरिजको पहिलो खेलमा पनि नेपाल नामिबियासँगै ४ विकेटले पराजित भएको थियो भने दोस्रो खेलमा नेपालले नेदरल्याण्ड्सलाई ९ विकेटले हराएको थियो ।
अब आइतबार नेपालले नेदरल्याण्ड्ससँग खेल्नेछ ।
- न्युज बहार संवाददाता
