फागुन ९, काठमाडौँ । आइसिसी विश्वकप लिग-२ अन्तर्गत नेपाल, स्कटल्यान्ड र नामिबियाबीचको त्रिकोणात्मक एकदिवसीय सिरिजको नेपालले लगातार चौथो
खेलमा आफ्नो जित निकालेको छ। कप्तान रोहितकुमार पौडेल र करण केसीको साझेदारीमा नवौं विकेटका
लागि कीर्तिमान बनाउँदै नेपालले आईसीसी क्रिकेट विश्वकप लिग टू च्याम्पियन
स्कटल्याण्डमाथि २ विकेटको रोमाञ्चक जित हात पारेको हो ।
यससँगै
नेपालले घरेलु मैदानमा भएको सिरिज क्लिन स्वीप गरेको छ । नेपालले लिग टूमा नेपालले
पहिलो पटक सिरिजको चार वटै खेल जितेको हो ।
नेपालले २१३ रनको लक्ष्य ८ विकेटको क्षतिमा ३५ बल बाँकी रहँदै पूरा गर्यो। नेपालको जितमा कप्तान समेत रहेका रोहितकुमार पौडेलले ९५ रन बनाए । यी दुबैको साझेदारीले नेपाले घरेलु मैदानमा भएको सिरिजमा क्लिन स्वीप गरेको छ । नेपालले पहिलो पटक लिग टूमा सिरिजको चार वटै खेल जितेको हो ।
लिगको च्याम्पियन बनिसकेको स्कटल्याण्डलाई २१२ मा अलआउट गरेको नेपाल सुरुवातदेखि नै दबाबमा परेको थियो । नेपालले १३८ रन बनाउँदा ८ विकेट गुमाइसकेको थियो । तर दबावका बीच कप्तानी पारी खेलिरहेका रोहितलाई करण केसीले बलियो साथ दिएपछि नेपालले २१३ रनको लक्ष्य ४४.१ ओभरमा ८ विकेट गुमाएर पूरा गरेको हो ।
