जेठ ११, काठमाडौँ । आईपीएल - इन्डियन प्रिमियर लिग २०२३ को हिजो राती भएको खलेमा मुम्बई इन्डियन्सले लखनउ सुपर जायन्टसलाई हराउँदै क्वालिफायर टु मा प्रवेश गरेको छ ।
बुधबार चेन्नाइमा भएको खेलमा मुम्बइले दिएको १८३ रनको लक्ष्य पछ्याएको लखनउ सुपर जायन्टस मुम्बइका आकाशको घातक बलिङपछि १६.३ ओभरमै १०१ रन बनाई अलआउट भयो ।
त्यसअघि टस जितेर पहिले ब्याटिङ गरेको मुम्बइले निर्धारित २० ओभरमा ८ विकेट गुमाएर १८२ रन बनाएको थियो । यसको जवाफमा लखनउ सुपर जायन्टसले १०१ रन मात्र बनाउन सक्यो।
मुम्बइका लागी आकाश माडवालले ३.३ ओभरमा पाँच रन मात्र खर्चेर पाँच विकेट लिएका थिए ।मुम्बइले अब फाइनल प्रवेश गर्नका लागि पहिलो क्वालिफायरमा पराजित भएको गुजरात टाइटन्ससँग खेल्नेछ ।
यस खेलमा विजयी भएको टोलीले आगामी आइतबार उपाधिका लागि चेन्नाइसँग प्रतिस्पर्धा गर्नेछ।
- न्युज बहार संवाददाता
