असोज १२, काठमाडौँ । दशैँअघि अन्तिम दिनको सेयर कारोबारमा नेप्से परिसूचक हरियो अवस्थामा बन्द भएको छ। गत बिहीबार सामान्य रूपमा घटेको नेप्से आइतबार भने केही अंकले उकालो लागेको हो।
आइतबार नेप्से ११.५१ अंकले बढेर २६६३.५१
विन्दुमा पुगेको छ। यस्तै, सेन्सेटिभ इन्डेक्स
३.२२ अंक, फ्लोट इन्डेक्स १.१७
अंक, र सेन्सेटिभ फ्लोट
इन्डेक्स १.१० अंकले वृद्धि भएका छन्।
यद्यपि परिसूचक बढे पनि कारोबार रकम भने
घटेको देखिन्छ। बिहीबार ३ अर्ब २६ करोड रुपैयाँको कारोबार भएकोमा आइतबार ३१४
कम्पनीका ७५ लाख ११ हजार कित्ता शेयर ३९ हजार ८५९ पटक खरिदबिक्री हुँदा कुल
कारोबार २ अर्ब ९३ करोड ५९ लाख रुपैयाँमा झरेको छ।
ग्लोबल आइएमई समुन्नत योजना २ को इकाई
मूल्य ८९ पैसा बढेर ९ रुपैयाँ ७९ पैसामा सकारात्मक सर्किट लेभलमा पुगेको छ। भगवती
हाइड्रोपावरको शेयर झन्डै ८ प्रतिशतले बढेको छ भने यूनियन हाइड्रोपावरको मूल्य
करिब ५.५ प्रतिशतले उकालो लागेको छ। यस दिन सिक्लेस हाइड्रोपावरको शेयरमूल्य
सबैभन्दा धेरै, १० प्रतिशतले घटेको
छ।
कारोबार रकमको हिसाबले यूनियन
हाइड्रोपावर शीर्ष स्थानमा रहेको छ, जसको २४ करोड ११ लाख
रुपैयाँबराबरको सेयर किनबेच भएको हो। नेपाल पुनर्बीमा कम्पनीको कारोबार ११ करोड
रुपैयाँभन्दा माथि पुगेको छ भने शिवम् सिमेन्टको कारोबार ८ करोड नाघेको छ।
१३ वटा उपसमूहमध्ये
१० उपसमूहको परिसूचक वृद्धि भएको छ। म्युचुअल फण्ड उपसमूह झन्डै १ प्रतिशतले बढेको
छ। तर, व्यापार उपसमूहको
परिसूचक सबैभन्दा बढी १.२८ प्रतिशतले घटेको छ। होटल तथा पर्यटन र अन्य उपसमूहमा
पनि सामान्य गिरावट देखिएको छ।
- न्युज बहार संवाददाता
