जेठ
२८, काठमाडौँ । साताको दोस्रो कारोबार दिन शेयर बजार परिसुचक नेप्सेमा ठूलो
उतारचढाव नभएपनि केहि समूहको शेयरमा भने लगानीकर्ताको आकर्षण देखिएको छ।
आज
नेप्से सूचक ८.९० अंकले बढेर २०८२.०९ विन्दुमा बन्द भएको छ। यस दिन कारोबार रकम पनि
बढेको छ। आज बजारमा५ अर्ब ४९ करोड ६ लाख ९ हजार ७८२ रुपैयाँ बराबरको १ करोड १६ लाख
३४ हजार ६१८ कित्ता शेयर खरिदबिक्री भएको छ।यस दिन सबैभन्दा धेरै
१० प्रतिशतले त्रिशुली जलविद्युत र कुथली बुखरी हाइड्रोपावर कम्पनीको शेयरमूल्य बढेको
छ भने छ।
त्यस्तै गरी सबैभन्दा धेरै ८.६७ प्रतिशतले जानकी
फाइनान्सको शेयरमूल्य घटेको छ ।
यस दिन सबैभन्दा धेरै एनआरएन
इन्फ्रास्टक्चर एण्ड डेभलपमेन्ट कम्पनीको ४१ करोड ८७ लाख रुपैयाँको शेयर कारोबार
भएको छ ।
सोमबार कारोबारमा आएका
१३ उपसमूहमध्ये ७ उपसमूहको सूचक सकारात्मक छ भने ६ उपसमूहको सूचक नकारात्मक छ ।
आज ३ प्रतिशतभन्दा धेरै
म्युचुअल फण्ड उपसमूहको सूचक घटेको छ।
यस दिन हाइड्रोपावर
उपसमूहको सूचक सबैभन्दा धेरै २ प्रतिशतले बढेको छ ।
- न्युज बहार संवाददाता