फागुन ६, काठमाडौँ । आइतबार साताको पहिलो कारोबार दिन नेप्से परिसूचक घटेर बन्द भएको छ।

आइतबार नेप्से परिसूचक २७.२१अंक(१.३१ प्रतिशत)ले घटेर २०३४.८२ विन्दुमा बन्द भएको छ। 

यस दिन नेप्सेसँगै कारोबार रकम पनि घटेको छ। यस दिन ३१५ स्टकको ९७ हजार १०५ पटकको कारोबारमा ३ अर्ब ७७ करोड ५४ लाख रुपैयाँ बराबरको १ करोड ७ लाख कित्ता शेयर खरिदबिक्री भएको छ।

नेप्सेमा गिरावट आउँदा पनि यस दिन दुई स्टकको शेयर भने सकारात्मक सर्किट लेभलमा कारोबार भएको छ। यस दिन समाज लघुवित्त र बोटलर्स नेपाल (बालाजु) को शेयर सकारात्मक सर्किट लेभलमा कारोबार भएको हो भने यस दिन सर्वाधिक ८.२१ प्रतिशतले सामलिङ्ग पावर कम्पनीको शेयरमूल्य घटेको छ।

यस दिन पनि कारोबार रकमका आधारमा हिमालयन रि इन्स्योरेन्स शीर्ष स्थानमा रहेको छ। यस कम्पनिको ४० करोड ९० लाख रुपैयाँ बराबरको शेयर कारोबार भएको छ।

आज कारोबारमा आएका १३ वटै उपसमूहको परिसूचक घटेको छ। यस दिन सर्वाधिक २.७० प्रतिशतले वित्त उपसमूहको परिसूचक घटेको छ

• न्युज बहार संवाददाता