असोज १८, काठमाडौँ । बिहीबार साताको अन्तिम कारोबार दिन नेप्से
परिसूचक ११.०४ अंक (०.५६ प्रतिशत)ले घटेर १९५६.९२ बिन्दुमा बन्द भएको छ छ।
बिहीबार अघिल्लो
दिनको तुलनामा नेप्से परिसूचकसँगै कारोबार रकम पनि घटेको छ।
यस दिन
२८० वटा धितोपत्रको ३५ लाख ६२ हजार ६२४ कित्ता सेयर किनबेचबाट १ अर्ब १० करोड ६५
लाख १९ हजार ४१८ रुपैयाँको कारोबार भएको हो।
यस दिन
नेप्सेमा बाराही हाइड्रोपावरको सेयर मूल्य सर्वाधिक ९.३० प्रतिशतले बढेको छ भने
सेयर
मूल्य सर्वाधिक ९.९४ प्रतिशतले घट्नेमा इन्फिनिटी लघुवित्त रहेको छ।
आज सिटिजन लाइफ इन्स्योरेन्सको सर्वाधिक कारोबार भएको छ।
त्यस्तै, यस दिन कारोबारमा आएका १३ वटा
समूहगत परिसूचकमध्ये १२ वटा समूहगत परिसूचक घटेको छ भने म्युचुअल फण्ड समूहको
परिसूचक ०.२४ प्रतिशतले बढेको छ। आज होटल्स तथा पर्यटन समूहको परिसूचक सर्वाधिक
१.१७ प्रतिशतले घटेको छ ।
- न्युज बहार संवाददाता
