असार १२, काठमाडौँ । शिव शिखर बहुउद्देश्यीय सहकारी संस्थाका अध्यक्ष केदारनाथ शर्मा १४ अर्ब रुपैयाँभन्दा बढी निक्षेप हिनामिना गरेको आरोप लागेका पक्राउ परेका छन् ।
उनलाई भारतको मुम्बईबाट नेपाल प्रहरी सीआईबीको टोलीले पक्राउ गरेको हो । सीआईबी स्रोतले उनलाई मुम्बईस्थित एक विधायकको घरमा लुकेर बसेको अवस्थामा पक्राउ गरेर सोमबार नै नेपाल ल्याइएको जानकारी दिएको छ ।
भक्तपुरको शिव शिखर कृषि सहकारी र शिखर दीप बहुउद्देश्यीय सहकारी मर्ज भएर २०७७ सालमा शिव शिखर बहुउद्देश्यीय सहकारी संस्था बनेको थियो ।
अध्यक्ष केदारनाथ शर्माले नै मोरङमा तुलसी सहकारी संस्था पनि खोलेका थिए । तर संस्था संकटमा पर्न थाले देखी अध्यक्ष शर्मा बेपत्ता भएका हुन ।
- न्युज बहार संवाददाता
