फागुन ७, काठमाडौं । कृषि विकास बैंक लिमिटेडको प्रमुख कार्यकारी अधिकृत (सीईओ) मा गोविन्द गुरुङ नियुक्त भएका छन् । बैंक सञ्चालक समितिको शनिबार बसेको बैठकले गुरुङलाई सीईओ पदमा नियुक्त गरेको हो । यससगै नवनियुक्त सीईओ गोविन्द गुरुङले सोमबारदेखि कार्यभार सम्हाल्नेछन् । सिभिल बैंकका पूर्व सीईओ समेत रहेका गुरुङको बैंकिङ क्षेत्रमा २६ वर्षे कार्यानुभव छ । त्रिवि अन्तर्गतको नेपाल कमर्स क्याम्पसबाट प्रथम श्रेणीमा एमबीए उत्तीर्ण गरेका गुरुङले हिमालयन बैंकबाट बैंकिङ करियरको शुभारम्भ गरेका थिए ।
हिमालयन बैंकमा गोविन्द गुरुङले साढे १० वर्ष काम गरे । त्यसपछि
ग्लोबल आइएमई बैंकको साढे ३ वर्ष वरिष्ठ प्रबन्धक पदको जिम्मेवारी सम्हाले । त्यसपछि
उनी नायव महाप्रबन्धक पदमा साढे २ वर्ष मेगा बैंकमा कार्य सम्पादन गरेका थिए ।
यससगैँ उनको यात्रा सिभिल बैंक तिर मोडियो । सिभिलमा ४ वर्ष
डेपुटी सीईओका र ४ वर्ष ३ महिना सीईओका रुपमा कार्यभार सम्हालेका गुरुङ त्यसपछि
भने विदेशी बैंकमा सीईओ बने । विदेशी बैंकमा नेपाली व्यक्ति सीईओ बन्ने गुरुङ
पहिलो नेपाली नागरिक हुन् ।
