फागुन २१, काठमाडौं । आइतबार साताको पहिलो कारोबार दिन सेयर बजारमा गिरावट आएको छ। आइतबार नेप्से ३०.७७ अंकले घटेको बजार १९३८.२५ बिन्दुमा झरेको छ। यो १.५६ प्रतिशतको गिरावट हो। आइतबार कारोबार रकममा समेत कमी आएको छ।
आज आइतबार सबै उपसूचक ओरोलो लागेका छन। सबैभन्दा धेरै उत्पादन र प्रशोधन उपसूचक घटेको छ र यसैका लगानीकर्ताले धेरै गुमाएका छन। यी दुई उपसूचकमा ३.०३ प्रतिशतको गिरावट आएको छ।
आइतबार नेप्सेमा सबैभन्दा धेरै सुपरमादी हाइड्रोको सेयर मूल्य बढेको छ। सुपरमादी हाइड्रोको आज दोस्रो बजारमा पहिलो कारोबार दिन हो त्यसैले यस कम्पनीको सकारात्मक सर्किट लेवलमा कारोबार भएको छ। त्यस्तै आज धेरै प्रतिशतले घट्ने कम्पनिमा सामलिङ पावर कम्पनीको रह्यो।यसको मुल्य १० प्रतिशतले घटेको थियो।
त्यस्तै आज लघुवित्तसहितका कम्पनीको सेयर मूल्य समेत धेरैले घटेको छ। घटेको बजारमा शिवम् सिमेन्ट, हिमालयन डिष्ट्रिलरी, नविल बैंक, एसियन लाइफ, सहितका कम्पनीको सेयर धेरै कारोबार भएको छ ।
- न्युज बहार संवाददाता
