जेठ
१, काठमाडौँ । आज साताको तेस्रो कारोबार दिन मंगलबार नेप्से परिसुचक बढेर बन्द
भएको छ । आज हाइड्रोपावर र लघुवित्त कम्पनीहरुमा लगानीकर्ताको आकर्षण बढेको छ । आज
नेप्से सूचक २८.६२ अंक (१.४३ प्रतिशत)ले बढेर २०२७.५१ बिन्दुमा बन्द भएको छ ।
आज नेप्से सँगै कारोबार
रकम पनि बढेको छ । यस दिन ४ अर्ब ८ करोड ८५ लाख रुपैयाँ बराबरको ९८ लाख ५५ हजार
२८५ कित्ता शेयर कारोबार भएको छ।
यस दिन १० प्रतिशतले समाज लघुवित्त, उपकार लघुवित्त र यसनिक
लघुवित्तको शेयरमूल्य बढेको छ । आज हिमालयन उर्जा विकास कम्पनीको शेयरमूल्य सबैभन्दा धेरै ४.६४
प्रतिशतले घटेको छ ।
यस दिन कारोबार रकमको
आधारमा सिइडीबी हाइड्रोपावरको १५ करोड ८१ लाख रुपैयाँको शेयर कारोबार भएको छ ।
आज कारोबारमा आएका १३ उपसमुहको
परिसुचकमा १३ वटै उपसमूहको सूचक बढेको छ । यसदिन सबैभन्दा धेरै ३.४४ प्रतिशतले माइक्रोफाइनान्स
उपसमूहको सूचक बढेको छ भने ३.२२ प्रतिशतले हाइड्रोपावर उपसमूहको सूचक बढेको छ।
- न्युज बहार संवाददाता
