कार्तिक २३, पोखरा । रैथाने उत्पादनहरु बेच्न पोखरा महानगरले हाटबजार चलाउने भएको छ । शनिवार श्रीकम्प्लेक्स र पोखरा महानगर मिलेर हाटबजार चलाउन लागिएको जनाएको छ । स्थानीय उत्पादनका १० भन्दा बढी स्टल हाटबजारमा रहनेछन् । 

हस्तकला उत्पादन मनखुसी फाउन्डेसनद्वारा तयार भएको, पोते माला प्राप्ति प्रशान्त हस्तकलाद्वारा तयार, स्थानीय उत्पादनका कृषि उपजहरू आमा एग्रो प्रडक्टद्वारा उत्पादित, धागोका सामानहरू सगुन हस्तकलाद्वारा तयार भएका सामानहरु बिक्री हुने आर्थिक विकास महाशाखा प्रमुख मनहर कडरियाले जनाएका छन । 

पुष्पाञ्जलीद्वारा तयार गरिएको बिहेका सामान र कृषि सञ्जालका उत्पादन पनि बिक्री हुने बताइएको छ । कडरियाले यस रैथाने हाटबजारमा कोदो, झिलिङ्गा, सेल रोटी, मकै, चिनिरोटी, गहुँ, फापर लगायत तरकारी जन्य वस्तुहरू बिक्रीका लागि राखिने बताए । महानगरका अनुसार सोही अवसरमा सयपत्री फूल मेला समेत आयोजना हुने छ । 

• न्युज बहार संवाददाता