साउन १०, काठमाडौँ । बुधबार नेप्से परिसूचक ०.३७ प्रतिशत अर्थात ८.११ अंकले घटेर २१५६.२० बिन्दुमा बन्द भएको छ।
नेप्से परिसूचकसँगै बुधबार कारोबार रकम पनि घटेको छ।
यस दिन २६० वटा धितोपत्रको ७३ लाख ९९ हजार ४७४ कित्ता सेयर किनबेचबाट २ अर्ब ४३ करोड २५ लाख ८ हजार ७६९ रुपैयाँमा कारोबार भएको छ।
आज घटेको बजारमा किसान लघुवित्तको सेयरमूल्य सर्वाधिक ६.९६ प्रतिशतले बढेको छ भने जाल्पा सामूदायिक लघुवित्तको सेयरमूल्य सर्वाधिक ६.४९ प्रतिशतले घटेको छ।
आज बुधबार सर्वाधिक कारोबार हुने ग्लोबल आइएमई बैंकको संस्थापक सेयरको रहेको छ।
त्यस्तै, आज कारोबारमा आएका १३ वटा समूहगत परिसूचकमध्ये अन्य समूह र वित्त, म्युचुअल फण्डको परिसूचक बढेको छ भने बाँकी सबै समूहको परिसूचकमा गिरावट आएको छ।
आज होटल्स तथा पर्यटन समूहको परिसूचक सर्वाधिक १.४२ प्रतिशतले घटेको छ।
- न्युज बहार संवाददाता
