साउन २८, काठमाडौँ । आइतबार साताको पहिलो कारोबार दिन नेप्से परिसूचक दोहोरो अंकले बृद्धी भएको छ।
यसदिन नेप्से १४.८१ अंक (०.७१ प्रतिनशत) ले बढेर २०८०.८६ बिन्दुमा बन्द भएको छ।
आइतबार नेप्से परिसूचकसँगै कारोबार रकम पनि बढेको छ।
यस दिन उक्त रकम बढेर ३ अर्ब १ करोड ८४ लाख ६० हजार ५१२ रुपैयाँ पुगेको छ।
यस दिन २७१ वटा धितोपत्रको ९७ लाख १८ हजार ७५४ कित्ता सेयर किनबेचबाट ३ अर्ब १ करोड ८४ लाख ६० हजार ५१२ रुपैयाँको कारोबार भएको छ।
यस दिन थ्री स्टार हाइड्रोपावरको सेयरमूल्य सर्वाधिक १० प्रतिशतले बढेको छ भने सेयर मूल्य सर्वाधिक घट्नेमा घोराही सिमेन्ट रहेको छ।
आज बजारमा नेपाल इन्स्योरेन्सको संस्थापक सेयरको सर्वाधिक कारोबार भएको छ।
त्यस्तै, यस दिन कारोबारमा आएका १३ वटा समूहगत परिसूचकमध्ये वित्त, उत्पादन तथा प्रशोधन, लघुवित्त र अन्य समूहको परिसूचक घटेको छ भने बाँकी सबै समूहको परिसूचक बृद्धी भएको छ।
आज निर्जीवन बीमा समूहको परिसूचक सर्वाधिक २.२१ प्रतिशतले बढेको छ।
- न्युज बहार संवाददाता
