मंसिर
१०, काठमाडौँ । आजबाट पुनः भक्तपुरको सूर्यविनयकदेखि काठमाडौंको रत्नपार्क सम्म
चल्ने द्रुत बस सेवा सुचारू भएको छ।
द्रुत
बस सेवा सञ्चालनमा आएको एक महिना नबित्दै बन्द भएको थियो। नेपाल यातायात व्यवसायी
महासंघका अध्यक्ष विजयबहादुर स्वाँरले आजबाट उक्त सेवामा केही फेरबदल गरेर सञ्चालनमा
ल्याइएको जानकारी दिएका छन ।
पहिले २५ वटा बसबाट सञ्चालन
गरिएको यो सेवामा अहिले थप ११ वटा बस थपिएको उनले जनाएका छन ।
उनका अनुसार कुल ३६ वटा बस
सञ्चालनमा आएसँगै अब प्रत्येक तीन-तीन मिनेटमा सूर्यविनायकबाट द्रूत सेवाका बसहरू
छुट्ने छ। बसहरू यसअघि पाँच-पाँच मिनेटको अन्तरमा छुट्ने गर्थ्यो।
अहिले बस छुट्ने समय तालिकामा
पनि परिवर्तन भएको छ। यसअघि बिहान ९ बजेदेखि ११ बजेसम्म चल्ने गरेको बस आजदेखि साढे
८ बजेदेखि साढे १० बजेसम्म चल्ने गरेको छ भने बेलुकी
पनि साढे तीन बजेदेखि साढे पाँच बजेसम्म सेवा सञ्चालन गरिने छ।
- न्युज बहार संवाददाता
