कार्तिक १, काठमाडौँ। नेपालले एक महिना अर्थात असोज महिनामा मात्र ४ अर्ब २ करोड रुपैयाँ बराबरको विद्युत् निर्यात गरेको छ ।
नेपाल विद्युत् प्राधिकरणले कुल १२ अर्ब रुपैयाँको विद्युत् गत जेठयता निर्यात भएको जनाएको छ ।
प्राधिकरणका अनुसार जेठदेखि असोजसम्म ११ अर्ब ८० करोड २८ लाख रुपैयाँको विद्युत् भारततर्फ निर्यात भएको छ ।
यस वर्ष गत २८ जेठबाट प्राधिकरणले देशभित्र खपत गरी बचत भएको वर्षायामको विद्युत् भारतीय बजारमा बिक्री सुरु गरेको थियो । चालू आर्थिक वर्ष २०८०/८१ को साउन, भदौ र असोज ३ महिनामा प्राधिकरणले ९ अर्ब ६४ करोड ५४ लाख रुपैयाँको विद्युत् भारतर्फ निर्यात गरेको छ भने ४ अर्ब २ करोड ३५ लाख रुपैयाँको विद्युत् असोज महिनामा मात्र निर्यात गरिएको छ ।
- न्युज बहार संवाददाता
