असार ३१, काठमाडौँ । हालसम्म देशभर करिब ५९ प्रतिशत धान रोपाइँ सकिएको छ । यही असार २९ गतेसम्म आठ लाख १६ हजार ४०५ हेक्टर जमिनमा रोपाइँ भएको र गत वर्षको तुलनामा झण्डै ८ प्रतिशतले रोपाइँमा कमि आएको कृषि विकास मन्त्रालयले जनाएको छ ।
मन्त्रालयका अनुसार प्रतिशतका हिसाबले सबैभन्दा बढी सुदूरपश्चिम प्रदेशमा करिब एक लाख ६४ हजार हेक्टरमा रोपाइँ भएको हो । उक्त प्रदेशमा ९३ प्रतिशत रोपाइँ भएको हो ।
कर्णाली प्रदेशमा ६४ हजार हेक्टरमा रोपाइँ गरिएको छ । यस प्रदेशमा ८३ प्रतिशत रोपाइँ भइसकेको छ । त्यस्तै लुम्बिनी प्रदेशमा दुई लाख २३ हजार हेक्टरमा रोपाइँ सम्पन्न भएको छ भने याहाँ प्रतिशतका हिसाबले ७३ प्रतिशत रोपाइँ भएको हो ।
मन्त्रालयले
सङ्कलन गरेको तथ्याङ्कअनुसार गत वर्ष यस अवधि भर करिब ६७ प्रतिशत धान रोपाइँ भएको
थियो। देशका केही भागमा अझै पनि रोपाइँ जारी रहेको छ । आगामी साउनको अन्तिम
सातासम्म ९८ प्रतिशत रोपाइँ हुने अनुमान गरिएको छ।
- न्युज बहार संवाददाता
