माघ ३, काठमाडौँ । आज बुधबार सेयर बजार नेप्सेमा तिब्र उतारचढाव देखिएको छ। कारोबार खुलेको  सुरुवाती समयमा बढेर २२०० माथि पुगेको नेप्से सूचक अन्तिममा भने नकारात्मक भएर बन्द भएको छ।

बुधबार नेप्से सूचक १२.१० अंक (०.५५ प्रतिशत)ले घटेर २१६३.०६ विन्दुमा झरेको छ। 

आज बुधबार कारोबार रकम भने अघिल्लो दिनको तुलनामा बढेको छ । आज ९ अर्ब ७६ करोड रुपैयाँको शेयर कारोबार भएको छ। यो कारोबार रकम २७ महिना यताकै उच्च हो।

यस दिन नेपाल वेरहाउजिङ कम्पनी, ग्लोबल आइएमई लघुवित्त र हिमालयन रि इन्सयोरेन्स कम्पनीको शेयरमूल्य सकारात्मक सर्किट लेभलमा कारोबार भएको छ भने मुक्तिनाथ कृषि कम्पनी, इष्ट्रन हाइड्रोपावर, भुगोल इनर्जीको शेयर नकारात्मक सर्किट लेभलमा कारोबार भएको छ।

यसदिन हिमालयन रि इन्स्योरेन्सको सबैभन्दा धेरै ६५ करोड ८४ लाख रुपैयाँको शेयर कारोबार भएको छ

यस दिन कारोबारमा आएका १३ उपसमूहका ४ उपसमूहको सूचक सकारात्मक देखिएका छन् भने बाँकी ९ उपसमूहको सूचक घटेका छन । सबैभन्दा धेरै ३.५१ प्रतिशतले फाइनान्स उपसमूहको सूचक घटेको छ।

• न्युज बहार संवाददाता