बैशाख २६, काठमाडौँ । आज बुधबार साताको चौथो कारोबार दिन सेयर बजार बुधबार नेप्से परिसूचक करिब स्थिर रहेको छ। यस दिन नेप्से ०.२१ अंक(०.०१ प्रतिशत)ले घटेर १९६०.६० विन्दुमा बन्द भएको छ।

अघिल्लो कारोबार दिनको तुलनामा यस दिन कारोबार रकम भने बृद्धी भएको छ । बजारमा यस दिन ३०५ स्टकको ४१ हजार १३७ पटकको कारोबारमा २ अर्ब ५४ करोड ७० लाख रुपैयाँ बराबरको ५८ लाख ७४ हजार कित्ता शेयर किनबेच भएको छ ।

आज बजारमा इन्फिनिटी लघुवित्तको शेयर सकारात्मक सर्किट लेभलमा कारोबार भएको छ । यस दिन कारोबारमा आएको कुमारी सबल योजनाको इकाई नकारात्मक सर्किट लेभलमा कारोबार भएको छ।

यस दिन कारोबार रकमका आधारमा फस्ट माइक्रोफाइनान्स शीर्ष स्थानमा रहेको छ। सो कम्पनीको यस दिन १० करोड ६० लाख रुपैयाँ बराबरको शेयर खरिदबिक्री भएको हो ।

यस दिन १३ उपसमूहमध्ये ९ उपसमूहको परिसूचक घटेको छ भने ४ उपसमूहको परिसूचक बृद्धी छ भने । यस दिन सर्वाधिक ३.११ प्रतिशतले वित्त उपसमूहको परिसूचक बढेको छ। आज कारोबारमा आएको उत्पादन तथा प्रशोधन र अन्य उपसमूहको परिसूचक १ प्रतिशतभन्दा बढी घटेको छ।

• न्युज बहार संवाददाता