जेठ ३, काठमाडौँ । बिहिबार साताको अन्तिम कारोबार दिन नेप्से परिसुचक झिनो अंकले बढेको छ । बिहीबार नेप्से परिसूचक ०.७९ अंकले बढेर २०१८.७६ विन्दुमा बन्द भएको हो ।
आज अघिल्लो दिनको
तुलनामा कारोबार रकम पनि बृद्धी भएको छ । बजारमा यस दिन ३१५ स्टकको ५७ हजार २१८
पटकको कारोबारमा ४ अर्ब २३ करोड रुपैयाँ बराबरको ८२ लाख ८२ हजार कित्ता शेयर
खरिदबिक्री भएको छ।
यस दिन तीन लघुवित्त कम्पनी हिमालयन
लघुवित्त वित्तीय संस्था, जाल्पा लघुवित्त वित्तीय संस्था र
श्रृजनशील लघुवित्त वित्तीय संस्थाको शेयर सकारात्मक सर्किट लेभलमा कारोबार भएको छ
।
यस दिन माण्डु हाइड्रोपावरको शेयरमूल्य भने सर्वाधिक ५.७६ प्रतिशतले घटेको छ।
यस दिन कारोबार रकमका
आधारमा सिईडिबि हाइड्रोपावर डेभलपमेन्ट कम्पनी शीर्ष स्थानमा रहेको छ। यस कम्पनिको
आज ४३ करोड ९० लाख रुपैयाँ बराबरको शेयर खरिदबिक्री भएको छ।
आज कारोबारमा आएका १३
उपसमुह मध्ये लघुवित्त उपसमूहको परिसूचक सर्वाधिक ३.८० प्रतिशतले बढेको छ यस दिन १
प्रतिशतभन्दा बढी विकास बैंक र वित्त उपसमूहको परिसूचक घटेको छ।
- न्युज बहार संवाददाता
