सुपरमाई हाइड्रोपावर लिमिटेडको आईपीओ आज बाँडफाँट हुदैछ । सुपरमाई
हाइड्रोपावर लिमिटेडले आईपीओ निष्काशन माघ २३ देखि २६ गतेसम्म गरेको थियो । उक्त आईपीओ
शुक्रबार बिहान बाँफाँट हुने कम्पनीको शेयर निष्काशन तथा बिक्री प्रबन्धक सानिमा
क्यापिटलले जानकारी दिएको छ । निष्काशन तथा बिक्री प्रबन्धक सानिमा क्यापिटलको कार्यालय
नक्सालमा शुक्रबार बिहान १० बजे शेयर बाँडफाँट हुने छ ।
कम्पनीको आईपीओ १३ लाख
८६ हजार ८०२ जना आवेदनबाट एक अर्ब ५४ करोड ६ लाख ६ हजार रुपैयाँ बराबरको १ करोड ५४
लाख ६ हजार ६० कित्ता शेयरको लागि आवेदन परेको पछिल्लो तथ्यांकले देखाएको छ भने यो
सर्वसाधारणलाई निष्काशन गरेको ४ लाख १५ हजार कित्ताको ३७.१२ गुणा बढी हुन आउँछ ।
कम्पनीको शेयरमा माग
भन्दा बढी आवेदन परेकोले धितोपत्र निष्काशन तथा बाँडफाँट निर्देशिका अनुसार
गोलाप्रथाबाट न्युनतम १० कित्ताको दरले शेयर वितरण हुनेछ । यसरी हुने वितरण अनुसार
योग्य आवेदक मध्ये ४१ हजार ५०० जनाले मात्रै शेयर पाउनेछन् ।
