फागुन
११, काठमाडौँ । आत्मनिर्भर लघुवित्त वित्तीय संस्था लिमिटेडले आज देखि सर्वसाधारण लगानीकर्ताका लागि आज (फागुन ११ गते)
देखि आईपीओ निष्काशन तथा बिक्री खुला गर्दै छ । गत आर्थिक वर्षको अन्त्यसम्ममा ५५६
रुपैयाँ ५९ पैसा प्रतिशेयर नेटवर्थ र १८५ रुपैयाँ ४३ पैसा ईपीएस भएको कम्पनिले वैदेशिक रोजगारीमा
रहेका नेपालीहरुलाई आईपीओ निष्काशन तथा बिक्री
खुला गरी त्यसको बाँडफाँट समेत गरिसकेको छ भने ३ हजार ११७ कित्ता शेयर
कर्मचारीहरुलाई तथा १० हजार १७० कित्ता सामूहिक लगानी कोषका लागि सुरक्षित गरिएको
छ। सर्वसाधारणले बाँकी रहेको १ लाख ६९ हजार ७५५ कित्ता शेयरका लागि आवेदन दिन पाउँने
छन।
लघुवित्तको आईपीओमा यही फागुन १५ गतेसम्म मात्र आवेदन
दिन सकिनेछ। सो अवधिसम्ममा पूर्ण आवेदन नपरेमा निष्काशन अवधि फागुन २५ गतेसम्म
लम्बिनेछ। सो आईपीओमा लगानीकर्ताले न्यूनतम १० कित्ता शेयरका लागि आवेदन
दिनुपर्नेछ भने अधिकतममा १ हजार कित्ताका लागि आवेदन दिन सक्नेछन्।
केयर रेटिङ्ग नेपालले आईपीओ निष्काशनका लागि गराएको
रेटिङ्गमा कम्पनीलाई केयर एनपी सिंगल बी प्लस इस्यूअर रेटिङ्ग प्रदान गरेको छ।
यसले कम्पनीको दायित्व बहन गर्ने क्षमतामा उच्च जोखिम रहेको संकेत गर्दछ।
कम्पनीको शेयर निष्काशन तथा बिक्री प्रबन्धक सनराइज
लिमिटेड रहेको छ। लगानीकर्ताले नेपाल धितोपत्र बोर्डबाट स्वीकृत प्राप्त गरेका
सम्पूर्ण सि–आस्बा
सदस्य बैंक तथा वित्तीय संस्था र तिनका तोकिएका शाखा कार्यालयहरुका साथै मरो शेयर
खाता मार्फत आज १० बजे देखी आवेदन दिन सक्नेछन्।
