माघ
२२, काठमाडौँ । नेप्से परिसूचक साताको दोस्रो कारोबार दिन बढेर बन्द भएको छ।
कारोबार अवधिभर स्थिर जस्तै रहेको नेप्से अन्तिम समयमा एनटिसी
अर्थात नेपाल टेलिकमको शेयरमूल्य बढेसँगै बढेको हो।
आज
नेप्से १४.५७ अंक (०.७० प्रतिशत)ले बढेर २०७६.२७ बिन्दुमा बन्द भएको छ।
यस दिन नेप्से
बढेपनि अघिल्लो कारोबार दिनको तुलनामा कारोबार रकम भने घटेको छ। यस दिन ३१० स्टकको
५६ हजार ७७५ पटकको कारोबारमा २ अर्ब ४३ करोड ८० लाख रुपैयाँ बराबरको शेयर
खरिदबिक्री भएको छ।
आज तीन स्टकको शेयर सकारात्मक सर्किट
लेभलमा कारोबार भएको छ। यस दिन पिपुल्स पावर, नेपाल टेलिकम र समाज लघुवित्तको शेयर सकारात्मक
सर्किट लेभलमा कारोबार भएको हो भने जोशी हाइड्रोपावरको शेयरमूल्य पनि करिब १०
प्रतिशतले नै बढेको छ । यस दिन सर्वाधिक ६.७८ प्रतिशतले स्वाभिमान लघुवित्तको
शेयरमूल्य भने घटेको छ।
यस दिन पनि कारोबार रकमका आधारमा हिमालयन
रि इन्स्योरेन्स शीर्ष स्थानमा रहेको छ।
यस दिन १३
उपसमूहमध्ये ४ उपसमूहको परिसूचक घटेको छ भने ९ उपसमूहको परिसूचक बढेको छ। यस दिन सर्वाधिक
४.६८ प्रतिशतले अन्य उपसमूहको परिसूचक बढेको छ।
- न्युज बहार संवाददाता
