माघ ८, काठमाडौँ
। आज मंगलबार नेप्से परिसूचक सामान्य अंक
बढेर बन्द भएको छ।
यस दिन नेप्से परिसूचक
५.०८ अंकले बढेर २६१३.०८ विन्दुमा बन्द भएको हो ।
यस दिन नेप्से बढेपनि कारोबार
रकम भने घटेको छ। बजारमा यस दिन ३११ स्टकको ६९ हजार ८४० पटकको कारोबारमा ६ अर्ब १९
करोड १ लाख ४१ हजार रुपैयाँबराबरको १ करोड १६ लाख २६ हजार कित्ता शेयर खरिदबिक्री
भएको छ।
आज कारोबारमा आएको मन्दाकिनी हाइड्रोपावरको शेयर
सकारात्मक सर्किट लेभलमा कारोबार भएको छ । यस दिन सर्वाधिक ८.९६ प्रतिशतले कारोबारमा
आएको रिभर फल्स पावरको शेयरमूल्य घटेको छ।
यस दिन कारोबार रकमका आधारमा सिईडिबी होल्डिङ्गस शीर्ष
स्थानमा रहेको छ। उक्त कम्पनीको यस दिन २३ करोड ७६ लाख रुपैयाँबराबरको शेयर
कारोबार भएको छ ।
आज कारोबारमा
आएका १३ उपसमूहमध्ये ८ उपसमूहको परिसूचक
बढेको छ भने ५ उपसमूहको परिसूचक घटेको छ ।
यस दिन सर्वाधिक २.७९ प्रतिशतले अन्य उपसमूहको परिसूचक बढेको छ भने सबैभन्दा बढी २.१० प्रतिशतले व्यापार उपसमूहको परिसूचक घटेको छ ।
- न्युज बहार संवाददाता
