जेठ २१, काठमाडौँ। साताको पहिलो कारोबार दिन अर्थात आज आइतबार सेयर बजार परिसुचक दोहोर अंक बढेर बन्द भएको छ।
आर्थिक वर्ष २०८०/०८१ को बजेटमा गरिएको नयाँ कर व्यवस्थाले बजार घटेको, थियो । यस निर्णयबाट सरकार पछी हटेसँगै यस दिन नेप्से बढेको हो।
यस दिन अर्थमन्त्रालयमा अर्थमन्त्री र लगानिकर्ताहरुसँगको वार्तामा सरकारले हाल कायम रहेको ५ प्रतिशत र ७.५ प्रतिशत पूँजीगत लाभकर नै अन्तिम कर हुने निर्णय गरेसँगै बजारमा हरियाली छाएको छ।
आज आइतबार नेप्से परिसूचक ५३.०३ अंक बढेर १९१९.३७ विन्दुमा पुगेर बन्द भएको छ। त्यसैगरी, यस दिन सेन्सेटिभ इण्डेक्स ९.४९ अंक बढेको छ।
आज बजारमा २७० स्टकको ३१ हजार २५२ पटकको कारोबारमा १ अर्ब ६५ करोड ६३ लाख रुपैयाँ बराबरको ४५ लाख ५७ हजार कित्ता शेयर खरिदबिक्री भएको छ।
यस दिन सबै उपसमूहमा हरियाली छाएको छ।
- न्युज बहार संवाददाता
