माघ २१, काठमाडौँ । आइतबार साताको पहिलो कारोबार दिन नेप्से परिसूचक घटेर बन्द भएको छ।
आइतबार नेप्से परिसूचक
५.३१ अंक( ०.२५ प्रतिशत)ले घटेर २०६१.७० विन्दुमा बन्द भएको छ।
यस दिन नेप्सेसँगै अघिल्लो कारोबार दिनको तुलनामा कारोबार रकम पनि घटेको छ ।
बजारमा यस दिन ३०७ स्टकको ७० हजार ७९० पटकको कारोबारमा ३ अर्ब २१ करोड ६७ लाख
रुपैयाँ बराबरको ९२ लाख ७२ हजार कित्ता शेयर खरिदबिक्री भएको छ।
नेप्से घट्दा पनि यस
दिन युनिक नेपाल लघुवित्तको शेयर सकारात्मक सर्किट लेभलमा कारोबार भएको छ भने ५
प्रतिशतभन्दा बढी महिला लघुवित्त र रावा इनर्जीको शेयरमूल्य घटेको छ।
यसदिन पनि बिगतका केही
दिन जस्तै कारोबार रकमका आधारमा हिमालयन रि इन्स्योरेन्स शीर्ष स्थानमा रहेको छ।
यस दिन कारोबारमा आएका १३
उपसमूहमध्ये ४ उपसमूहको परिसूचक बढेको छ भने ९ उपसमूहको परिसूचक घटेको छ।
आज निर्जीवन बीमा, विकास
बैंक, वित्त, लगानी उपसमूहको परिसूचक
बढेको छ भने सर्वाधिक १.०४ प्रतिशतले अन्य उपसमूहको परिसूचक घटेको छ।
- न्युज बहार संवाददाता
